Во пресрет на Денот на Царината – 14 април, по повод 32 годишнината на Царинската управа, царинските службеници засадија околу 320 млади дрвца на гранични премини, покрај испоставите во внатрешноста и во дворот на Управата.
„Со оваа акција придонесуваме за заштита на животната средина и позитивни промени за идните генерации. Заштитата на општеството е најголем императив во нашата работа и оттука секојдневно се залагаме да овозможиме подобри услови за нашите граѓани”, рече директорот на Царинската управа Стефан Богоев.
Акцијата за засадување на дрва беше организирана во текот на изминатата работна недела на територија на целата држава и притоа беа опфатени над десет локации во околината на граничните премини и царинските испостави во државата, како и во седиштето на Царинската управа, на кои симболично беа засадени по 32 садници. Во акцијата беа вклучени царинските службеници од сите царинарници и од Управата, а при засадувањето на дрвцата на граничните премини се вклучија и колегите од соседните земји.
