Блок 1 на РЕК „Битола“ попладнево, околу 15 часот, е ставен во функција. Постројката произведува електрична енергија и е синхронизирана со македонскиот електроенергетски систем, соопшти ЕСМ.
„Благодарение на стручноста и ангажманот на вработените во термоелектраната, за нецели 24 часа санирани се пукнатите цевки поради кои блокот вчераутро мораше да биде исклучен.
РЕК „Битола“ во моментот работи со два блока. На Блок 3 во тек се завршните зафати за монтажа на новиот трансформатор по што и оваа постројка ќе биде ставена во функција“, велат од компанијата.
