Американскиот државен секретар Антони Блинкен следната недела ќе оствари официјална посета на Тонга, Нов Зеланд и Австралија, соопшти Стејт департментот.
Посебен акцент беше ставен на патувањето на Блинкен во Нукуалофа, главниот град на Тонга, каде Блинкен ќе ја посети новоотворената американска амбасада.
Неодамна, Соединетите Американски Држави го прогласија овој остров како стратешки многу важен, откако Кина го зајакнa своето влијание во Пацификот.
Поголем ангажман во земјите од регионот на Пацификот е еден од актуелните приоритети на надворешната политика на САД. Блинкен ќе ја посети Тонга за прв пат откако e шеф на дипломатијата.
Патувањето на Блинкен ќе трае од 24 до 29 јули, при што ќе ги посети и Нов Зеланд и Австралија, а по тој повод ќе присуствува на еден натпревар од Светското првенство во фудбал, чиј кодомаќини се овие две земји.
Инаку, женската репрезентација на САД е актуелен светски шампион, односно ги освои шампионските титули на последните две првенства. На 27 јули Блинкен ќе престојува во Велингтон, Нов Зеланд, додека патувањето ќе заврши на 28 и 29 овој месец со посета на Австралија.
