Утрински Весник
Македонија

Битиќи: Европскиот дух и желбата на граѓаните да ја видат земјата во ЕУ не прави оптимисти

Европскиот фронт, односно европскиот дух и желбата на 2/3 од населението да ја види земјата интегрирана во ЕУ не прави оптимисти, следната влада ќе ја предводи СДСМ, рече потпретседателот на СДСМ, Фатмир Битиќи денеска во интервју за Алсат М Телевизија.

-Сега, после многу години ми се чини дека некаде во 2008 година за последен пат имаме толку јасна поделба на блокови, опозиција-позиција и во албанскиот блок. Ние не правиме компромиси со идеологијата и духот на евроинтеграциите. Решени сме, нашата иднина е во ЕУ и ќе направиме се што е потребно на овој пат. Политичките партии кои сметаат дека е добро да се биде дел од владата за да се постигнат само краткорочните цели отколку оваа наша среднорочна цел затоа што долгорочната цел на оваа држава е да биде место во кое сите сакаат да живеат, среднорочна цел е интеграција во ЕУ, тука нема да има компромис со СДСМ, така што би рекол дека политичките партии што оделе напред-назад е нивна лична одлука, рече Битиќи.

Зборувајќи за случувањата во Алијанса Битиќи рече дека претседателот на Алијанса јасно кажа дека е приврзан со опозицискиот блок и тоа беше иницијално поглавје на сите настани во овој период.

-Знам што ќе правиме ние како СДСМ, ќе гласаме согласно предлогот. Ние ја поддржавме техничката влада, го поддржавме претставникот на техничката влада затоа што нашиот пат е многу јасен. Можеби за разлика од многу лидери на политички партии, ние ја сакаме оваа земја и оваа држава малку повеќе од другите, бидејќи гласавме и за техничката влада со министрите на ВМРО-ДПМНЕ, додека ВМРО се воздржуваше од гласање, рече Битиќи.

Можете да прочитате

Државниот обвинител Коцевски на средба со евроамбасадорот Гир

Бојмацалиев на средба со СВР Тетово: Ја гарантираме безбедноста за секој граѓанин да може да го оствари правото на глас

Внимание: Дали е вистина дека во престапна година не се прават венчавки и свадба