Бразил сѐ уште е во потрага по нов селектор по заминувањето на Тите, чија ера заврши по елиминацијата од Хрватска во четвртфиналето на Светското првенство во Катар. Прв кандидат за Бразилците е Карло Анчелоти, но Италијанецот е под договор со Реал Мадрид, па таа „операција“ е сложена. Затоа Бразилците се вртат кон други имиња, а „Билд“ пренесува дека еден од главните кандидати е Јоаким Лев.
Тој ја предводеше Германија 15 години, а во 2016 година стана светски шампион на Светското првенство во Бразил. Германците во полуфиналето го демолираа Бразил со 7-1, а подоцна во финалето ја совлада и Аргентина.
Лев е невработен од јуни 2021 година, кога со репрезентацијата на Германија беше елиминиран од Англија во осминафиналето на Европското првенство.
