Земјотрес со јачина од 3,6 степени според Рихтеровата скала утрово во 6:18 часот е регистриран во Босна и Херцеговина, во близина на градот Зеница.
Според податоците на Европско-медитеранскиот сеизмолошки центар (EMSC), епицентарот на потресот бил лоциран на околу 11 километри од Зеница, на длабочина од седум километри.
Станува збор за плиток земјотрес, кој и покрај релативно умерената магнитуда може да биде почувствуван на пошироко подрачје.
Засега нема информации за причинета материјална штета или повредени лица, а надлежните служби ја следат состојбата.
