Без вода денеска од 09:00 часот ќе бидат корисниците од улицата „11-ти Октомври“ во Општина Центар.
Како што соопшти ЈП „Водовод и канализација” – Скопје, прекинот е поради дефект на приклучна цевка на ул. „11-ти Октомври“ бр.54.
Исто така од 09:00 часот без вода ќе останат корисниците од скопските села Драчево, Морани, Студеничани и викенд населбата Морани поради промена на затворач (шибер) од ф – 250 милиметри на ул.„Јустинијан Први“ без број во населбата Драчево.
Жителите ќе бидат без вода до завршување на интервенциите.
