Поранешниот италијански премиер Силвио Берлускони денеска по неговото неодамнешно пуштање од болница објави дека се чувствува подобро и дека почнува да ја обновува својата партија Форца Италија (ФИ).
„Се предадов на небото и на помошта од лекарите. Беше тешко, но секогаш бев самоуверен“, изјави Берлускони во интервју за весникот „Кориере дела сера“, пренесе АНСА.
На прашањето за евентуална реорганизација на партијата во рамките на подготовките за европските избори, поранешниот премиер одговори дека историјата на ФИ е обележана со континуирано обновување.
„Ние ќе продолжиме да работиме така. ФИ има искусна и авторитативна национална и локална владејачка класа. Тие не се и нема да бидат сами, бидејќи јас ќе продолжам целосно да ги исполнувам моите должности како основач и лидер на партијата. Односите со нашите политички сојузници се исто така одлични“, рече Берслускони.
