Францускиот ас Карим Бензема сериозно размислува да го напушти Реал Мадрид и да ја прифати неверојатната понуда од Саудиска Арабија, вредна 400 милиони евра за две години.
„Ел Мундо“ ги откри деталите од понудата која Бензема ја има на маса.
Французинот би бил ослободен од плаќање данок, би имал 100% права да заработува од својот бренд и би можел да ги носи сите комерцијални одлуки сам со својот тим. Покрај тоа, Бензема може да избере во кој саудиски клуб ќе игра и да избере во кој град сака да живее. Покрај тоа, Саудијците на Бензема би му го обезбедиле апсолутно секој луксуз што би можеле да го побараат. Ваква понуда, како што тврди „Ел Мундо“, досега не добил ниту еден фудбалер.
Доколку Бензема замине, Реал Мадрид нема да добие никакво обештетување бидејќи 35-годишниот француски напаѓач има договор со мадридскиот клуб само до крајот на јуни оваа година. Бензема претходно се согласи да ја продолжи соработката со Реал на уште една година, но ништо не беше потпишано.
За Реал Мадрид одигра 647 натпревари и постигна 353 гола со 165 асистенции, освои четири шампионски титули во Шпанија и пет трофеи во Лигата на шампионите.
