Музичарот Бени Шаќири во поткаст ЗРАК со д-р Марина, сподели свое сведоштво со изведување на коронографија.
„Не сум нешто редовно, ама имам навика да трчам на кеј. Еднаш почувствував тахикардија и решив да се проверам, бев да се проверам и излезе дека левата преткомора била малку проширана, тоа било од активност, од напор…прашав кој е најдобриот начин да се дознае причината и ми беше кажано дека најефикасно е ако направам коронографија. Реков добро, ајде веднаш да го направиме. Бев легнав, ми направија, рекоа срцето ти е уредно, артериите ти се релативно чисти. И ме прашаа зошто сум дошол на коронографија. Им реков дека правам проверка ако срцето ми е добро да продолжам да трчам, ако има некоја аномалија да престанам“ рече Шаќири.
Тој ги повика граѓаните да вршат редовни контроли и да обрнуваат поголемо внимание на сопственото здравје.
