Бактериските инфекции се сега идентификувани како втора водечка причина за смрт во светот, по срцевите заболувања, открива најновата студија објавена во специјализираното медицинско списание „Lancet“. Истражувањето, спроведено во рамките на глобалната иницијатива поддржана од фондацијата „Бил Гејтс“, вклучува оценка на влијанието на 30 бактериски патогени врз смртноста.
Студијата открива дека Staphylococcus aureus (златната стафилокока) и пневмококата се меѓу најсмртоносните бактерии. Од 7,7 милиони смртни случаи предизвикани од бактеријски инфекции во 2019 година, осмиот случај бил поврзан со овие бактерии. Истражувањето посочува дека Staphylococcus aureus е најчестата причина за смрт предизвикана од бактериска инфекција во 135 земји.
На пет од избраните 30 бактерии им се припишуваат половина од смртните случаи – Staphylococcus aureus, Escherichia coli, Pneumococcus, Klebsiella pneumoniae и Bacillus pyocyanin. Пневмококните инфекции, пак, се најсмртоносни кај децата под пет години.
Авторите на студијата нагласуваат дека бактериските инфекции претставуваат „итен приоритет“ за јавното здравство. Тие повикуваат на зголемено внимание кон превенцијата на инфекциите, поефикасно препишување на антибиотици и подобрена употреба на вакцините за да се спречи отпорност на лековите.
