Баерн Минхен го обновил интересот за мексиканскиот репрезентативец од Ајакс, Едсон Алварез, тврди „Билд“. 25-годишниот фудбалер за врска беше блиску до трансфер во Борусија Дортмунд, но „жолто-црните“ не ја реализираа зделката.
Алварез пред околу еден месец влезе во трансферните планови на Баварците, а клубот сега повторно ги интензивира преговорите.
Германскиот првак сакаше да го купи Деклан Рајс, но Англичанецот одлучи да не го напушта Островот и ја прифати понудата на Арсенал.
Цената на Едсон Алварез е околу 40 милиони евра.
