Американскиот претседател Џо Бајден денеска пристигна во посета на Финска, каде што ќе ја заврши неделната посета на Европа, со цел да ја пречека новата членка на НАТО.
Бајден во Хелсинки ќе учествува на американско-нордискиот самит со лидерите на Финска, Шведска, Данска, Исланд и на Норвешка по што ќе одржи заедничка конференција со финскиот претседател Саули Ниинист, пренесува „Ројтерс“.
Неименуваниот функционер рече дека американскиот претседател ќе ги поздрави влезот на Финска и идното членство на Шведска во НАТО.
„Гледаме целосна промена во европската безбедносна структура како резултат на потегот на Русија, а нордиските земји се приближија кон Западот како одговор на агресивните и дестабилизирачки дејствија на Русија“, изјави тој за агенцијата.
Меѓу другото, се очекува теми на разговорот да бидат и климатските промени и новите технологии. Пред да замине во Финска, Бајден беше во Вилнус, каде што се одржа дводневен самит на НАТО, а посетата на Европа ја почна со заминување во Лондон, каде што се сретна со кралот Чарлс Трети.
