Елми Азири потпретседател на Алијанса за Албанците од крилото на Зијадин Села во емисијата 24 анализа рече дека има институции кои треба да ги разрешат физичките партиски пресметки. Во Алијансата имаше во последно време една екскомуникација од страна претседателот со структурата на партијата.
– Во тој период, претседателот имаше секојдневни средби со други политички чинители од т.н. албанска опозиција, со политички претставници надвор од државата, но не најде време да се сретне со нас. Ние неколку пати повикувавме да ги повика сите органи на партијата на разговор за сите случувања во овој предизборен период. Тој реши преку фејсбук да објави дека земал став како Алијанса за Албанците да делуваат на следните парламентрани избори. Како резултат на тоа, претседателот на Собранието на партијата Зијадин Села, повикувајќи се на статутарните одредби, свика Централно собрание кое ќе се одржи в сабота во Скопје. Формално, Таравари се уште е претседател на Алијансата. Во ноември, централното претседателство гласаше став за самостојно настапување на изборите и за тоа гласаше и Таравари – рече Азири.
