Авионска несреќа денеска на меѓународниот аеродром Пирсон во Торонто предизвика брза реакција од страна на службите за итни случаи и полицијата, објави CTV News. Инцидентот се случил со авион на „Делта ерлајнс“ кој пристигнал од Минеаполис, а аеродромот Пирсон потврди дека екипите за итни случаи веднаш реагирале. Според канадскиот портал CP24, осум лица биле повредени во несреќата, но подробности за настанот сè уште не се познати. Аеродромот извести дека се води сметка за сите патници и членови на екипажот. Претставниците на „Делта ерлајнс“ не дале коментар за настанот.
