Утрински Весник
Македонија

Андов: Тезите на ВМРО-ДПМНЕ дека затворениците намерно се ослободуваат се штетни, бараме извинување

Андов: Тезите на ВМРО-ДПМНЕ дека затворениците намерно се ослободуваат се штетни, бараме извинување

По повод последните обвинувања од страна на политичката партија ВМРО-ДПМНЕ и нејзиниот портпарол Наум Стоилковски, казнено-поправната установа „Скопје“ остро реагира на изнесените наводи кој се ноторни лаги и манипулации.

dobivaj vesti na viber

„Оддалечувањата на затворениците од отворениот и полуотворениот дел на затворот, треба веднаш да престане да се злоупотребува од страна на политичката партија и со ваквите настани да се собираат политички поени. Дотолку повеќе што Управата на затворот секогаш постапува согласно законите, правилниците, процедурите, констатирано и од Управата за извршување санкции кој е наш контролор.

Тезите кои ги наметнува политичката партија, а со кои сака да наметне дека затворениците намерно се ослободуваат е штетна не само за угледот на казнено-поправната установа, туку и за целиот затворски систем кои е создаден за ресоцијализација на осуденици, сторители на кривични дела. Демант на ваквите наводи е фактот што осудените лица, при оддалечување, не само што се експресно пронајдени од полицијата, туку се вратени во затворот и сместени во затворениот дел на затворот – согласно Правилникот. Наметнувањето на тезата дека некој има интерес од пуштањето на затвореници од затворот е неточна, но наметнува прашање, дали во владеењето на минатата власт, така се третирале затворениците? Сега, извештаите на сите меѓународни и домашни институции се во насока дека установите не се логори, туку затвори каде се ресоцијализираат осуденици, во далеку подобри услови од порано“, велат од КПУ Затвор Скопје.

Партијата и портпаролот Стоилковски, додаваат од таму, треба да знаат дека за клеветење се одговара согласно Законот за граѓанска одговорност.

„За навреда одговара тој што со намера да омаловажи, со изјава, однесување, објавување или на друг начин ќе изрази за друг понижувачко мислење, со кое се повредува неговата чест и углед. Бараме од партијата и портпаролот во рок од 48 часа извинување за сите изнесени манипулативни, тенденциозни и неточни наводи, затскриени зад прашања, претставени на прес-конференција. Во спротивно, најавуваме соодветна постапка за утврдување одговорност пред надлежните институции“, посочува директорот на затворот во Скопје Филип Андов.

Можете да прочитате

Приведено и трето лице за убиството на докоторот пред поликлиниката во Железара

Тројца полициски службеници за несовесно работење во службата заработија кривични пријави 

Кривична пријава заработи лице кое заградило државно замјиште кај Бит Пазар и си наплаќал „арач“