Украина со контраофанзива успеа да врати 37 отсто од територијата окупирана од Русија од 2014 година, пренесува „РБК Украина“.
Според аналитичарите на OSInt, повеќе од 124.000 квадратни километри од украинската територија се под руска окупација. Од 6 ноември, вооружените сили на Украина успеаја да ослободат 75.000 квадратни километри.
Според Сергеј Гајдаи, од 31 октомври, украинските бранители ослободиле девет населени места во областа Луганск.
„Вооружените сили на Украина веќе ослободија 37 отсто од територијата на Украина која беше под руска окупација (со оглед на тоа што Крим и ОРДЛО беа окупирани во 2014 година), односно 50 отсто од она што Руската Федерација го окупираше по 24 февруари 2022 година“, се наведува во извештајот.
