Америка е подготвена да продолжи со борбите доколку Иран не се согласи со мировен договор,.
За да има притисок, американската војска ги блокира сите бродови што се обидуваат да влезат или да излезат од Иран.
„Иран може да избере светла иднина и се надеваме дека ќе го стори тоа за доброто на својот народ“, рече министерот за одбрана Пит Хегсет на прес-конференција во Пентагон.
„Но, доколку Иран донесе погрешна одлука, ќе добие блокада и бомби врз инфраструктурните и енергетските објекти“.
Генералот Ден Кејн, началник на Генералштабот на американската војска, рече дека американските сили се „подготвени да продолжат со големи воени операции буквално во моментот кога ќе ја добијат наредбата“.
Американските воени бродови ќе гонат ирански или кој било друг брод што се обидува да донесе материјална помош во Иран, истакна тој.
Ќе ги пресретнеме бродовите што ќе се обидат да ја пробијат блокадата и ќе ги предупредиме дека „ќе употребиме сила ако не ја почитуваат блокадата“, додаде Кејн, велејќи дека ова ќе се спроведува и во иранските територијални и во меѓународните води.
