Американското Министерство за правда (ДП) соопшти дека размислува дали да ја гони компанијата Боинг за двете фатални несреќи на авионот „737 Макс“.
Министерството за правда тврди дека Боинг ги прекршил условите од договорот од 2021 година што ја заштител фирмата од кривични пријави поврзани со инциденти. Вкупно 346 лица загинаа во несреќи во Индонезија во 2018 година и Етиопија во 2019 година, јавува Би-Би-Си.
Производителот на авиони не успеа да „дизајнира, имплементира и спроведе програма за усогласеност и етика за да спречи и открие прекршување на американските закони за измами за време на неговото работење“, соопшти Министерството за правда.
Според договорот, Боинг платил спогодба од 2,5 милијарди долари, додека обвинителите се согласиле да побараат од судот да се откаже од кривичната пријава по период од три години.
Министерството за правда соопшти дека Боинг има рок до 13 јуни да одговори на наводите, кои потоа ќе бидат земени предвид при одлучувањето за следните чекори. Роднините на настраданите побараа кривична прјава против фирмата. „Ова е позитивен прв чекор, кој семејствата го чекаа долго време
„Но, треба да видиме понатамошни активности од страна на Министерството за правда за да се повика Боинг на одговорност“, рече Пол Г. Касел, адвокат на семејствата на жртвите, во изјавата. Боинг продолжи да се соочува со интензивна контрола за безбедноста на својот авион откако некористената врата падна од новиот 737 Max кратко време по полетувањето во јануари, оставајќи дупка на страната.
