Ветеранот Фернандо Алонсо сепак е трет на трката за Големата награда на Саудиска Арабија.
Алонсо во Џеда заврши зад возачите на Ред Бул, Серхио Перез и Макс Ферстапен, но по трката стјуардите го казнија со десет секунди и за трет го прогласија Џорџ Расел од Мерцедес.
Астон Мартин вложија жалба на оваа одлука и по прегледувањето на новите видео докази, стјуардите решија да ја поништат својата одлука и да го вратат Алонсо на третото место.
Така шпанскиот возач сепак стигна до јубилејниот, 100. подиум во кариерата.
Следната трка, трета во сезоната ќе се вози во Австралија.
