Карлос Алкараз сигурно ќе игра на Ролан Гарос откако третопласираниот тенисер во светот ги надмина проблемите со повредата на раката која го мачеше последните месеци.
Откако се повлече од турнирот во Рим, Шпанецот тренира во својот дом во Мурсија, а по последните детални прегледи доби зелено светло да се врати во натпреварувачкиот ритам.
Медиумите на Пиринеите пренесуваат дека Алкараз веќе резервирал хотел во Париз, истиот во кој престојува Рафаел Надал при секој негов настап на францускиот Грен слем турнир.
Карлос Алкараз минатата година стигна до полуфиналето на Ролан Гарос каде беше елиминиран од Новак Ѓоковиќ.
