Генералниот секретар на СДСМ, Александар Саша Димитријевиќ, и неговата избраничка Александра, синоќа го изговорија судбоносното „да“ на свадбена церемонија одржана во скопскиот ресторан и бар „Риас“.
Димитријевиќ денеска на „Фејсбук“ сподели фотографии од свечениот момент, додавајќи ја пораката: „Од сега па натаму… двајца против светот.“
На свадбата присуствуваа највисоките претставници на СДСМ, меѓу кои и претседателот на партијата Венко Филипче и заменик-претседателката Фани Каранфиловска Пановска, која на социјалните мрежи објави фотографија со коментар „Брачна ноќ“.
Гостите беа и потпретседателите Ана Чупевска, Методија Илиевски, Каја Шукова и Мартин Костовски, кои се актуелни кандидати за градоначалници на Скопје и Куманово.
Младенците добија бројни честитки за среќен и хармоничен заеднички живот.
