Претседателката Гордана Сиљановска Давкова на прес-конференција од Црна Гора упати порака до јавната администрација, нагласувајќи дека вработените преку партиски врски не можат да бидат лојални на Уставот и законите, туку на оние што ги довеле на тие позиции.
„Ако влегувате во администрацијата преку партиска книшка, ќе бидете лојални само на оние кои ве вработиле, а не на Уставот и законите. Иако не ги знам точните податоци за Црна Гора, бројките за Македонија се алармантни – имаме егзодус на најдобрите кадри. Тие брзо се препознаваат во западноевропските земји, додека кај нас, многумина чекаат да се вработат благодарение на партиска припадност“, изјави Сиљановска Давкова.
