Африканска прашина повторно ни дојде на Балканот, па така и во Македонија, a со тоа имаме и повисоки температури од вообичаените.
Во следниве денови ќе расте температурата и ќе може да се забележат големи температурни промени, но тие кратко ќе се задржат бидејќи ќе имаме нагло опаѓање на температурите веќе од понеделник.
Со оглед на температурите кои ќе преовладуваат за време на викендот, вкупниот пад ќе надмине 15°С до средината на следната недела.
Во недела и понеделник се очекуваа променливо облачно и нестабилно со локални врнежи од дожд и грмежи, краткотрајно во форма на невреме, но температурите ќе се движат од 21 до 25 степени, додека пак веќе во вторник истите ќе се движат до 10 степени, а ќе има и снег.
Од УХМР најавуваат за вторник променливо облачно со повремени врнежи од дожд, на планините и на повисоките места со повремен снег. Ќе дува умерен, наместа повремено засилен ветер од северен правец.
