Младиот и амбициозен пејач кој балканската јавност викендов ќе го запознае преку малите екрани како учесник во големото регионално музичко шоу „Пинкови ѕвезди”, Антонио Тасевски е новиот вокал на Дакапо Бенд.
Топло добредојде бендот му посака на Антонио и преку официјалните профили на социјалните мрежи.
– Антонио Тасевски, новиот вокал во ДАКАПО Бенд! Неговата харизма, моќен вокал и сценска енергија внесуваат нов дух во Дакапо, а ние со нетрпение очекуваме да ја споделиме оваа магија со вас на следните настапи! Добредојде Антонио, стои на официјалниот профил на бендот на Инстаграм.
https://www.instagram.com/reel/DQXEgYuDfEI/
Тасевски долги години живееше и работеше во Америка, но оваа година одлучи со своето семејство да се врати во родната земја и токму тука да ја гради својата музичка кариера.
Дакапо Бенд е еден од нашите најактивни музички состави, покрај Антонио како нов вокал, членови на бендот се и Влатко Ѓорчев (кларинет и саксофон), Горан Костадинов (клавијатура), Тодор Ушитков (клавијатура), Никола Давчев (ударни инструменти) и Илија Мицев (труба).
https://www.instagram.com/reel/DQcEk76DVfC/
