Кичево, 27 април 2020 (МИА) – Во текот на изминатото деноноќие, за време на спроведувањето на мерките за ограничено движење и заштита на граѓаните од ширење на коронавирус COVID-19, според статистичките податоци на МВР, на подрачјето на СВР Охрид, вкупно две лица не ја почитувале забраната за движење во Кичево .Тие се приведени и против нив ќе бидат поднесени кривични пријави за „непостапување според здравствените прописи за време на епидемија“, информира портпаролот Стефан Димоски. Тој исто така објасни дека вчера во атарот на кичевското село Осој, нарушен е јавниот ред и мир со физички напад извршен од А.Т.(22) врз М.Х.(20), двајцата од Кичево. Против нив, ќе бидат поднесени соодветни пријави. Во истиот период, не се евидентирани кражби и сообраќајни незгоди.
На подрачјето на СВР Охрид, моментно, евидентирани се вкупно 103 лица во изолација од кои 11 во Кичево. Од страна на полициски службеници извршени се 80 контроли врз лицата во изолација, 11 контроли во Кичево. Вкупниот број на лицата во самоизолација, во моментов изнесува 300 лица, од кои 16 во Кичево. Полициските службеници извршија 24 контроли на угостителски објекти. рз/оџ/
