Куманово, 16 април 2020 (МИА) – Кумановскиот градоначалник Максим Димитриевски се чувствува добро, во самоизолација и најави дека активностите ќе ги извршува онлајн. Што се однесува до општинскиот штаб додава Димитриевски, назначени се двајца заменици кои ќе ги координираат активностите, што значи дека ќе продолжат да се одвиваат сите активности како и досега, делење помош, поддршка за ранливи, за немоќни, дезинфекција…
-Ги замолувам граѓаните да ги почитуваат препораките, да оддржуваат дистанца, да се однесуваат дисциплинирано, само на тој начин ќе го победиме вирусот. Апелирам на смиреност, состојбата треба да се сфати сериозно и одговорно да се однесуваме, изјави Димитриевски. Уште еднаш апелираше до граѓаните да користат маски, ракавици.
Димитриевски изјави дека од штабот заболени се пет членови, дополнително три лица од општинската администрација кои се придружни членови на штабот и три лица кои работат на деизнфекција.
-Сите се во изолација, рече Димитриевски и додаде дека во овој и наредниот период ќе се вршат епидемиолошки анекти за контакти на членовите. Веќе е назначен потписник за документите за работата на општината.
-Овластен потписник во мое отсуство на сите документи е член на советот Владимир Павловски кој што во мое отсуство ќе ги потпишува сите документи. Секако и јас сум тука, бидејќи онлајн комуникацијата го овозможува тоа. Ќе ја сладам работата будно, континуирано, вели Димитриевски.
Тој посака побрзо закрепнуавње на заболените сограѓани. ам/дма/
