Дебар, 30 март 2020 (МИА) – Во рамки на договорените мерки од страна на Кризниот штаб, во општина Маврово и Ростуше во тек е дезинфекција на јавните површини.
-Во соработка со Националниот парк „Маврово“ и jавното комунално претпријатие „Маврово“ до сега извршена е дезинфекција на центарите на повеќе населени места и селските улици. Ова активност ја завршивме во Жировница, Ростуше, Велебрдо, Требиште, Битуше, Аџиевци, привршува во селото Присојница и до крајот на денот ќе се изврши дезинфекција и во селото Скудриње, изјави за МИА, Меџат Куртовски, градоначалник на општината, кој раководи и со штабот.
Додава дека оваа активност продолжува и следните денови,со дезинфекција на останатите населени места а тоа ќе се направи и во верските објекти, училиштата и други објекти.
-Ќе продолжи со превземање на сите неопходни активности за справување со кризата предизвикана од корона вирусот. Упатувам апел до сите сограѓани да се придржуваат кон препораките дадени од страна на Владата и Министерството за здравство,рече Куртовски.
Според него во домашна изолација се четириесеттина лица, сомнителни и заразени нема. вт/aa/
