Крива Паланка, 27 март 2020 (МИА) – Општина Крива Паланка во соработка со Центар за јавно здравје- Куманово ќе адаптира соодветна просторија за земање брисеви за Ковид-19, бидејќи во општината нема пункт за тестирање.
-Локалната самоуправа ќе им излезе во пресрет на сите граѓани кои уредно преку мој термин ќе закажат термини за тестирање од корона вирус, така што во соработка со Центар за јавно здравје, Куманвоо и Подрачната единица на Хигиено-епидемиолошка служба во Крива Паланка, каде има специјалист епидемиолог, ќе адаптираме просторија во општината и истата ќе биде достапна во претстојниот период за земање брисеви и нивно тестирање во пунктот во Куманово,а граѓаните нема да мора да патуваат, информира градоначалникот на Крива Паланка, Борјанчо Мицевски.
Инаку, општинскиот кризен штаб од Крива Паланка е во постојана координација со службите и го контролира спроведувањето на воведените мерки за заштита од пандемијата.
