Тетово, 21 март 2020 (МИА) – Со цел да има помалку движење на населението со одредени здравствени проблеми и симптоми јавните здравствени служби од Тетово организираа да има добивање на услуги на пунктови низ општините. Целта е луѓето да можат да се консултираат и дадат епидемиолошка анкета, па лекарите да одлучат за понатамошните чекори и евентуално испитување на Ковид – 19.
– Јавните здравствени установи во соработка со примарната здравствена служба (матичен лекар), за регионот на Општина Тетово и околните општини организираа услуги во пунктови во Боговиње, Желино, Теарце, Челопек-Брвеница, Голема Речица и Тетово со доктори и медицински сестри за проблемите поврзани со сомневање за Кои – 19, информираат Центар за јавно здравје, Клиничка болница и Здравствен дом.
Од установите апелираат за било каква здравствена консултација граѓаните да ги користат достапните следни броеви: 076/365-163, 076/365-120, 075/240-464, 075/200-839, 075/200-339 и 075/445-124.ас/фф/
