Велес 18 март 2020 (МИА) – Општина Велес и ЈКП „Дервен” со засилено темпо спроведуваат активности за чистење, миење и дезинфекција на јавните површини во градот поради ситуацијата со вирусот КОВИД-19.
На фреквентните јавни површини околу плоштад „С’рмаале” и пристапите до банките во централното градско подрачје денеска се изврши чистење и рачно дезинфицирање, додека пак машинската дезинфекција продолжува по однапред утврден план за дезинфекција. Исто така дезинфицирани се и парковските површини и детските игралишта.
Општина Велес им препорачува на граѓаните да останат дома со што заеднички ќе покажат висока свест и позитивен пример. ад/мч/
