Штип, 14 март 2020 (МИА) – Пробиштип ги откажува претстојните манифестации во општината, согласно дадените препораки од Владата и Министерството за здравство. Марија Митева вработена во Општина Пробиштип вели дека се откажуваат манифестациите „Зелникот на баба“, „Младенци“ и „Пробиштипски маскенбал“.
Согласно заклучоците од четвртата седница на Управувачкиот комитет за координација и управување во системот за управување со кризи, со записник од Комисијата за заразни болести при Министерството за здравство, во врска со потребата од преземање дополнителни мерки и активности за превенција од ширење на болеста COVID-19 (Коронавирус) – Ве известуваме дека манифестациите „Зелникот на баба“ која требаше да биде оддржана на 21 март, „Младенци“ која требаше да биде оддржана на 22 март и „Пробиштипски маскенбал“ кој требаше да се одржи на 27 март во Злетово и на 31 март и 1 април во Пробиштип се откажуваат, вели Митева.
Во меѓувреме пробиштипското комунално претпријатие врши дезинфекција на улиците и садовите за смет низ улиците, како една од превентивните мерки против корона вирусот. вдј/дма/
