Битола, 8 март 2020 (МИА) – СВР-Битола, поводно и во рамки на проектите „Полицијата и граѓаните заедно” и „Безбедно во сообраќајот“ денеска на сите жени возачи им го честитаа меѓународниот празник 8 Март.
Отсекот за превенција, полициската станица за безбедност на сообраќајот на патиштата при СВР-Битола, во координација со Републичкиот совет за безбедност во сообраќајот-РСБСП и училишната сообраќајна единица од овој град изведоа превентивна акција на повеќе пункта низ Битола каде на возачите и пешаците жени им подарија цвеќе.
Од СВР-Битола и денеска апелираа за внимателно возење и почитување на сообраќајните правила и прописи. мт/вг/
