Росоман, 13 февруари 2020 (МИА) – Крводарителска акција се одржа денеска во Росоман и собрани се 16 крвни единици. Акцијата се одржа во организација на Црвениот крст Кавадарци, во соработка со Институтот за трансфузиона медицина – Скопје.
– Според годишниот план за крводарителство на Црвениот крст Кавадарци, треба да се реализираат 1.184 крвни единици. Во изминатата 2019 година, во двете општини Кавадарци и Росоман беа собрани 2.120 единици крв. Тоа е за 936 повеќе од предвидениот план, рече Димитар Каракулев, претседател на Општинската организација на Црвен крст Кавадарци.
Додаде дека со овој резултат кавадаречкиот Црвен крст како организатор на овие крводарителски акции, е меѓу водечките во државата. свд/рп/
