Утрински Весник
Македонија

Мицкоски од Брисел: Остануваме посветени на европскиот пат и покрај условувањата за уставните измени

Image 2026 11 16 201511912.png

Премиерот Христијан Мицкоски, во обраќањето на Форумот за проширување на Европската Унија „EU Enlargement Forum 2026“, во организација на Европската комисија, порача дека Македонија останува посветена на европската интеграција, но и натаму се соочува со условувања поврзани со уставните измени кои задираат во идентитетски прашања.

Мицкоски истакна дека земјата е силно фокусирана на спроведувањето на Реформската агенда, модернизацијата на институциите и целосното усогласување со Заедничката надворешна и безбедносна политика на Европската Унија.


Како конкретни придобивки за граѓаните, ги посочи учеството на Македонија во Единствената област за плаќања во евра (СЕПА) и претстојната примена на принципот „Роаминг како дома“.

Според премиерот, проширувањето на ЕУ мора да се темели на заслуги, спроведени реформи и конкретни резултати, со акцент на изградбата на поодговорни, поефикасни и потранспарентни институции.

„За жал, наместо да се вреднува нашиот реформски напредок, Македонија и понатаму се соочува со условувања поврзани со уставни измени кои задираат во идентитетски прашања“, истакна Мицкоски.

Тој нагласи дека, и покрај оваа пречка, Македонија останува конструктивна, активна и посветена на изнаоѓање решенија.

„Европската перспектива на Македонија мора да биде јасна, предвидлива и заснована на европските принципи и критериуми“, порача премиерот.

Можете да прочитате

Мајка ги малтретирала малолетните деца, ги терала да работат и питачат

СДСМ: Мицкоски ги повикува граѓаните да пријават корупција – АКТ на СДСМ и граѓаните пријавија стотици случаи, кога ќе има одговор?

Форум на жени на ВЛЕН бара неселективна правда за жртвите на насилство