Најмалку 22 лица се повредени во руски напад врз Харков во текот на ноќта, вклучувајќи осум деца, додека четири лица се повредени во Киев, соопштија украинските власти.
Во Харков, вториот кат од станбена зграда во населбата Салтивски беше погоден во напад, при што беа уништени два ката, објави Укринформ .
Според градоначалникот на Харков, Игор Терехов, бројот на повредени се зголемил на 22, додека претходно беа пријавени 16 повредени.
Службите за итни случаи работат на местото на нападот и ги расчистуваат урнатините.
Во Киев, згради во четири области беа оштетени, додека пожари избувнаа во деловни згради.
Во областа Подилски, оштетена е нестанбена зграда, покривот е делумно уништен, а ударниот бран ги оштетил прозорците на блиската станбена зграда.
