Најмалку 16 лица, вклучувајќи и петмина полицајци, се убиени во напад врз џамија во северозападен Пакистан откако возило со експлозив се забило во неа. Информацијата ја потврди висок полициски службеник од Пешавар, пишува Би-би-си Њуз.
Нападот се случил во округот Кохат, во покраината Хајбер Пахтунхва, каде што сè уште траат вооружени судири меѓу напаѓачите и безбедносните сили. Еден од полицајците изјавил дека еден напаѓач е убиен и дека е во тек спасувачка операција.
Во официјално соопштение, пакистанскиот претседател Асиф Али Зардари им упатил „најдобри желби за брзо закрепнување на повредените во експлозијата“.
