Соопштение за јавност на Левица:
Делегација на Левица, предводена од пратеникот Борислав Крмов, заедно со членовите на Централниот комитет Катерина Јовановска и Андреа Јанков, положи свежо цвеќе пред споменикот на АСНОМ во паркот „Жена борец” и пред споменикот на Никола Карев во Скопје.
Македонската историја е една непрекината револуционерна борба. Илинденската револуционерна искра продолжи да живее низ Народноослободителната борба, обединета околу идејата – народот сам да биде творец на својата судбина. Тој историски континуитет го создадоа генерации револуционери, партизани, работници, селани, младинци, антифашисти, кои не се помирија со состојбата и слободата не ја добија на тацна, туку ја изборија со сопствените животи.
Најголемата опасност денес е прекинувањето на историскиот континуитет што ги поврзува двата Илиндена. Народ што ќе дозволи да му се избрише истпријата и меморијата, лесно ќе се помири и со одземањето на својата иднина. Државноста не е еднаш освоена категорија, туку постојана обврска што бара историска свест, политичка храброст и подготвеност повторно и повторно да се брани она што претходните генерации го избориле.
