Во Министерството за здравство денеска официјално беше извршено примопредавањето на министерската функција, при што досегашниот министер Азир Алиу му ја предаде должноста на новоименуваниот министер Сашо Клековски.
На работната средба двајцата министри разговарале за проектите што се реализираат во здравствениот сектор, тековните активности, како и за процесите што биле во фокусот на Министерството во изминатиот период.
Примопредавањето на функцијата има за цел да обезбеди непречено продолжување на работата на Министерството и реализација на започнатите реформи и проекти во здравствениот систем.
Со преземањето на функцијата, новиот министер Сашо Клековски ќе раководи со Министерството за здравство во периодот што следува, со фокус на продолжување на тековните активности и справување со предизвиците во здравствениот сектор.
