Ако планирате купување нов паметен телефон во следните години, важно е да знаете дека уредите што ќе се продаваат во Европската Унија ќе мора да исполнуваат нови стандарди за подолг век на траење, посигурна работа и полесна поправка.
Европските регулатори сакаат да ставaт крај на досегашната практика – телефоните да работат брзо кога се нови, а по некое време батеријата да слабее, перформансите да опаѓаат и корисниците да бидат принудени да купуваат нов уред.
Целта на новите правила е да се намали електронскиот отпад, да се заштедат пари за потрошувачите и да се поттикне поправка наместо фрлање на уредите.
Според новите стандарди, батериите ќе мора да го задржуваат капацитетот и по голем број циклуси на полнење, а нивната замена да биде поедноставна и подостапна.
Тоа значи дека производителите ќе треба да ги дизајнираат телефоните така што замената на батеријата нема да бара специјални алати или скапа стручна интервенција.
За корисниците на iPhone и Android уредите, ова значи дека идните модели би можеле да траат значително подолго и да бидат многу полесни за сервисирање.
Промените што се воведуваат во ЕУ често влијаат и врз глобалниот пазар, па можно е истите стандарди да се применат и на телефоните што се продаваат во други делови од светот.
Овие измени носат и финансиска корист за граѓаните, бидејќи нема да мора толку често да купуваат нови телефони, но и еколошка корист преку намалување на електронскиот отпад.
