Белоруските власти ослободија 250 лица кои се наоѓаа во затвор поради политички мотиви. Ваквиот чекор беше поздравен од администрацијата на Трамп,која најави дека САД се подготвени да повлечат дел од економските рестрикции кон земјата.
Ослободувањето на затворениците се случи по серијата дискретни преговори меѓу претставници на Минск и западните дипломати.
„Го поздравуваме ослободувањето на овие поединци и го гледаме како значаен сигнал за подготвеноста на Белорусија да ги нормализира односите. Како одговор на овој гест, САД ќе започнат процес на преиспитување и олеснување на одредени санкции кои директно влијаат врз белоруската економија,“ се вели во официјалното соопштение на Стејт департментот.
Експертите сметаат дека претседателот Трамп бара начини да ја извлече Белорусија од целосната зависност од Москва. Олеснувањето на санкциите би значело пристап на белоруските производи до западните пазари и потенцијално нови инвестиции.
