Русија нема информации за тоа какви безбедносни гаранции договориле САД и Украина, изјави за новинарите рускиот министер за надворешни работи Сергеј Лавров, пренесува ТАСС.
– Не знаеме за какви гаранции се договориле, но, судејќи по сè, станува збор за гаранции за истиот украински режим кој води русофобна, неонацистичка политика, истакна министерот.
Лавров додаде дека Москва ќе ги разгледува „реалните предлози за Украина и нема да се ориентира според јавните игри“.
Од изјавата на Лавров дадена во Абу Даби, станува јасно дека руските преговарачи ќе продолжат со комуникација во кој било формат. Политичките рамки за преговорите за Украина ги формулираше претседателот Владимир Путин и тие остануваат во сила, подвлече шефот на руската дипломатија.
