Пратеничката група на СДСМ е компактна и составена од луѓе кои растеле и се граделе во партијата во изминатите три децении, изјави пратеникот Оливер Спасовски.
„На било кој пратеник од пратеничката група на СДСМ не му е сеедно каде ќе се движи СДСМ. Ние 30 години ја градевме партијата и таа е дел од нас“, истакна Спасовски.
Тој порача дека сите други шпекулации околу внатрешните состојби во партијата немаат вредност.
„Пратеничката група на СДСМ е многу повеќе СДСМ и многу повеќе ја боли за СДСМ, можеби и од некои членови од раководството“, додаде Спасовски.
