Снег паѓа утрово во Скопје и истиот создаде хаос во сообраќајот.
Граѓани на социјалните мрежи пријавуваат застој на сообраќајот во речиси сите скопски населби.
Во Петровец, Бутел и Илинден сообраќајот се одвива по неисчистени коловози, на сообраќајниците има колони автомобили и се препорачува крајно внимателно возење.
На западната страна, огромна гужва има во Ѓорче Петров од влезот од автопат па се до Карпош.
Покрај снегот, дополнителен застој прави и тестирањето на системот „Безбеден град“ каде на одредени улици возилата не се пропуштаат.
Доколку сега излегувате со автомобил возете внимателно и вооружете се со трпение.
