Аријан Ибраим, кој беше единствен кандидат на денешните реизбори, е повторно избран за градоначалник на општина Центар Жупа.
Од вкупно 1.003 регистрирани гласачи, 973 ја дадоа својата поддршка за Ибраим, додека 30 гласа беа прогласени за неважечки.
На постизборните прослави присуствуваше и претседателот на ТДП, Зулфикар Зејнулах, кој истакна дека вечерва е заокружена победата остварена пред три месеци во Центар Жупа, кое го нарече упориште на партијата. Тој им се заблагодари на граѓаните и изрази желба оваа победа да донесе напредок за општината.
Во своето обраќање, Аријан Ибраим им се заблагодари на граѓаните кои му ја дадоа довербата по четврти пат, а порака упати и до оние кои не излегоа на гласање, повикувајќи на заедништво и работа во интерес на сите жители на Центар Жупа.
