Градоначалникот на Тетово, Биљал Касами, преку објава на Фејсбук ги предупреди граѓаните за сериозната состојба на патиштата поради ниските температури и појавата на мраз на улиците во градот и тетовските села.
Како што информира Касами, патиштата се исклучително лизгави, а веќе се евидентирани и бројни сообраќајни несреќи, што претставува реален ризик по животите и безбедноста на граѓаните.
Тој упати апел до сите жители да не ги напуштаат своите домови, ниту со возило ниту пешки, освен во неопходни и итни случаи.
Воедно, градоначалникот информира дека надлежните екипи се на терен и преземаат мерки за подобрување на безбедноста во сообраќајот, апелирајќи до граѓаните за внимателност и разбирање.
