Американскиот претседател Доналд Трамп изјави дека Вашингтон би можел повторно да го нападне Иран ако земјата продолжи да ја развива својата нуклеарна програма и дека палестинската милитантна група Хамас ќе „доживее пекол“ ако не се разоружа.
„Прочитав дека работат на производство на оружје и други работи. Ако го прават тоа, не ги користат местата што ги уништивме, туку веројатно други места“, рече Трамп.
Американскиот претседател додаде дека со Нетанјаху разговарал за напредокот во мировниот договор во Појасот Газа.
Трамп изјави дека сака да премине на втората фаза од договорот за прекин на огнот, што вклучува распоредување на меѓународни мировни мисии на палестинските територии.
Израел и Хамас се обвинуваат меѓусебно за кршење на договорот. Хамас одбива да се разоружа, додека израелската армија останува на териториите од кои треба да се повлече.
Трамп го обвини Хамас за избегнување на разоружување и рече дека Израел го исполнил својот дел од договорот.
