Поранешната јавна обвинителка Вилма Русковска поднела пријава до полицијата против Бојан Јовановски – Боки 13 за телефонско вознемирување. Според пријавата, инцидентот се случил на 18 декември 2025 година, кога Јовановски, за време на живо вклучување на „Јутјуб“, повеќепати ѝ се јавувал на Русковска, иако таа одбивала да ги прифати повиците.
Од објавената снимка на социјалните мрежи се гледа дека Јовановски користел навредливи и вознемирувачки изјави во разговорот. Русковска го предупредила дека доколку повиците продолжат, ќе поднесе пријава, но повиците сепак не престанале. Од Министерството за внатрешни работи потврдија дека пријавата е поднесена и дека се работи на расчистување на случајот.
