Петмина Палестинци, меѓу кои и деца, загинаа при израелски напад врз училиште во квартот Ал Туфа, источно од градот Газа, каде се сместени раселени лица.
Повредени се и повеќе лица кои се хоспитализирани. Израелската армија соопшти дека нападот бил насочен кон неколку осомничени лица кои отвориле оган надвор од обележаната линија за прекин на огнот. Хамас го оцени нападот како „брутално злосторство“ и ново кршење на договорот за прекин на огнот. Според палестинското Министерство за здравство во Газа, од стапувањето на договорот во сила загинале околу 400 Палестинци.
