Сообраќајот на ГП „Меџитлија“ е отворен за сите видови возила. ГП „Богородица“ е отворен само за патнички моторни возила, информираат од АМСМ.
Граничните премини ќе бидат бблокирани од грчките земјоделци до 22 часот.
Намалена видливост поради магла до 50 метри има на планинските превои Ѓавато, Плетвар, Стража и Крушево.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Во сила е законската обврска за задолжително поседување на зимска опрема во возилата.
